Liklik Hambak Rokrok – Hardcover Book

$35.00

Liklik grinpela rokrok Loki Inap i ting olsem ol lusman tasol i save wok hat. Tasol taim em i bin kamap klostu long lusim laip nau, tingting na pasin bilong Loki i senis olgeta, na em i bungim wanpela gutpela poro.

 

 

 

Description

Em hadkava tasol. Meri mekim stori em ino sainim buk.

Sampela ol wel abus i bin painim hap long stap taim ples bilong ol insait long bikbus i bin bagarap, na ol i bin go stap wantaim sampela ol abus bilong ples long wanpela haus kuk long wanpela ples arere long nambis long Lae. Olgeta abus i gat wok bilong ol na hap bilong slip tasol ol i save wok hat olgeta de. Taim liklik grinpela rokrok Loki Inap i bin lusim olgeta famili bilong en, em i bin kam stap long dispela haus kuk. Loki kamap olsem Elvis na i save singsing na danis long karamapim wari bilong en. Loki em wanpela lesbaga na i save kusai planti tu long kisim fri kaikai. Ol arapela abus long haus kuk i luksave long ol pasin bilong em tasol em i save i go moa yet na bagarapim bel bilong ol. Wanpela de em i no bin hamamas taim nogat man i givim kaikai long em na em i mekim kainkain i go na bikman Kande Kaks i kros nogut tru. Tasol Kande i soim gutpela pasin long Loki na i lainim em long pasin bilong wok bung wantaim long kamapim gutpela sindaun na wanbel. Em nau, tupela i kamap gutpela poro na haus kuk i kamap gutpela ples long stap.

Reviews

There are no reviews yet.

Be the first to review “Liklik Hambak Rokrok – Hardcover Book”

Your email address will not be published. Required fields are marked *